U T U R N F A S H I O N

السلام عليكم ورحمة الله وبركاته ..

بس رح اكتفي بالتدوين لحد هنا بالنسبة لسنة 2008 ..

زي ما لاحظتم إنشغالي بالفترة الأخيرة ..

صحيح انا وعدتكم كل يوم انزل 4 بوستات إلى 6 ..لكن الوقت ما اسعفني بالفترة الأخيرة

لأنو الجامعة اشغلتني هالايام بجد ..

وفي نفس الوقت ما ابغى اعطي اليوتيرن جزء من وقتي قد ما اعطيه كل ما عندي ..

في بالي تدوينات كثيرررررررة و نفس ما قلت لكم محضرة لكم مفاجأة مرة حلوة ومفيدة..

كلـه إنتظروه يـوم 1/1/2009 بيكون الافتتاح الرسمي لليوتيرن ..

مو بس مدونة ! إنتظروا اكثر من كذا ..!!

عشان لازم تكون الرجعة قوووووووووووووية ..!!

اتمنى من هنا لأول يوم في سنة 2009 ما تنسون اليوتيرن ..

باذن الله لي رجعة في اليوم اللي حددته رح افتح اليوتيرن بشكل رسمي

بشكل اكبر بشكل احلى واجمل ..!
على فكرة حطيت خاصية تثبيت التدوينات القديمة حقتي..
رح اثبت تدوينات قديمة بين فترة وفترة ..
عشان اغير الصفحة الرئيسية في خلال هالوقت اللي رح اكون غايبة فيه ..

بـــــرب 5/11/2008

السلام عليكم ورحمة الله وبركاته

وبكذا ارجع لكم مرة ثانية

برجعة قوية في الجزء الثاني ..

ايش اللي خلاني اتحمس

انو بالغلط رحت حفلة زواج

بششششششششعة

بقول لكم وش شفت بالضبط ..

1-الاطفال (ليتل بتشز )

ايه والله من جد اتكلم

ولحد يقول تراهم اطفال..!

هم بقوا شيء للطفولة عشان يصيرون كذا..

شوفوا هالصورة معبرة اكثر عن اللي ابي اقوله

مثلا بنوتة طفلة بريئه صغيرة ..

تجي تقول ابي رووووج

ويطلع فمها زي **** القرد

بالضبط كذا وابشع

و تتجرأ البنت وتقول ابي كوووووحل ..!

يالهووووووي

قال ايه قال كحل !! يلعن شكلك توك صغيرة

وش يطلع شكلك!! مقرفة ..

طيب رح نمشيها لك ..روج وبس ..

روج وردي كمان ..!

ونروح نناظر الفستان ..

هنا نقول من جد ليتل بتش ..

فستان عاري ! و ليتها جت ع العاري..

كل اومه لمعة ..!

والربطة نفس لون الفستان

الشنطة برضو طقم ..

<وانا صغيرة كنت ما ألبس الفستان

الا مع شنطة تشبهه نفس النوعية

لدرجة امي صارت تفصل لي ملابس

بس عشان تطلع بس شنطة زيها

ولا اجلس اصيح هههه

ياحليلها امي كانت تعطيني وجه ..

المهم الجزمة الله يكرمكم نفس الطريقة

المشكلة هي ملابس

تنفع للحريم الكبار

وهذول بكل وقاحة ملبسينها اطفالهم

اللهم المقاس اصغر ..

ومرة اوفر ع طفلة تلبس كذا

يعني فساتين الاطفال المفروض تكون

ع عمرهم ..

زواج زفت المهم ع عمرهم ..

مثلا وش نلبسهم ..

انا اقول لكم ..

انو مو مشكلة منفوش ..

لكن نفشة معقولة ..

طبعا لا تلبسونها ابيض في ابيض

يقالك اخت العروسة

هنا مثلا

وفستان جدا نعومي للاطفال وبريء

طفلة بريئة ..!! كلها انوثة في نفس الوقت بنوتة

ممكن تبدلين اللون الأبيض بلون يعجبك بس الطبقة اللي تحت

الشيفون خليه لون فاتح يعطي لون بس ..

وهذا فستان فيه ألوان حلوة وبرضو رهيب ..

وطفففففففففولي ركزوا ع هالكلمة

ان شاء الله عرفتوا نوعية الفساتين

اللي مقبولة ع الاطفال ..

2-النقطة الثانية هي احد انواع الفساتين ..

للحقيقة هو مو احد انواعها هو جزء شاذ عنها ..

اخترعوه اصحاب النقطة التاسعة في بلوق ستايلك شين

اذكركم بالنقطة التاسعة

(الســتر والأخلاق الحمـيدة )

فستان سهرة ابو نص كم ..

انا عمري وفي حياتي

ما شفت فستان سهرة بنص كم

الا عندنا هنا ..!

اوصف لكم الفستان المرعب هذا ..

فتحة الصدر نص دائرة ..!

و من ورى نفس

الحكاية نص داشرة :|:| وشو داشرة ههههههه

ترى كتبت داشرة غلط ..!

بس تذكرت سالفة ع داشرة ..

جوالي سوني اريكسون طيب..

المهم وانا جاية برسل لوحدة شيء

عن الدائرة وخزن جوالي كلمة الداشرة

في قاموس التهجئة ..

المهم ويترسل للبنت ..

والبنت تحسبني قلت لها الداشرة ..

الزبدة نرجع مرة ثانية للفستان ..

الفستان فتحته من ورى نص دائرة برضو ..

وماشي نظام الفستان عادي جدا ..

طيب انا اقول لك حل ..

تبين الستر والاخلاق العالية والحميدة

ألبسي جلابية كشخة ..

وكان الله غفورا رحيما ..

اما سالفة النص كم ذي ما دخلت مزاجي ..

ترى زمان وانا صغيرة

بروح عرس عندنا بالديرة

واخزياه لو دروا عني اني ألبس “مزلط” ..

فحصل في سنة 1997 ..

انو لبست نص كم ..

وكنت عارفة في قرارة نفسي انو

اللي اسويه غلط ههههه

المهم زي اللي احاول ارضي نفسي

وارضي المجتمع في الاخير وش طلعت ؟؟

فلازم الواحد ياخذ طريق واحد

لا يشتت نفسه في طريقين ..

وحدة والله شفتها

فتحت ظهر كبيررررررة

كيف غطتها ؟؟

حطت طبقة سوداااااااااااااااااااا

وحول الفتحة زي اللماع ..!

عارفين كيف طلعت ؟

زي اللي يجوون في المجلات

ويشخبطون محل

صدرها فخذها او الظهر بالاسود..

ولا تحط هذاك اللي من الزمّ اللي يكبر

المؤخرة ..!

طيب يا قلبي يا حوبي انتي

مؤخرتك كبيرررررة ليه تكبرينها ؟؟!!!

كيف تجلس عليها ودي افهم !؟

وارحمونا مرة ثانية لا عاد اشوف فساتين سهرة ابو نص كم و زمّ من ورى  ..

3- النقطة الثالثة هي عن الشال ..!

^

شفتوا هذا ..

وربي انو لبسته وحدة ع فستانها

وفستانها كان نعوم ولا فيه اي نوع من الريش..

ثانيا هذا مكانه في الملابس حقة لما يطفون اللمبات ..!!!!!!

اوكي ..الشالات عموما حلوة ..

ويعني فستانك مثلا قماشته ساتان ..!

وفجأة ..

تخلين الشال كمان ساتان ..!!!!

لا لااااااااااا يا اومي

ايش كلام صديق!!!! <ع قولة وحدة من صديقاتي ..

ساتان وشال عمرهم ما يجوون مع بعض

الشال يجي نعووووومي جدا

ورقيق ..

اصلن حتى فستان الساتان اللحين شوي قديم ..

ما ينفع الواحد يلبسه قليل يطلع حلو ع الوحدة ..

4-مزرعة الشجر

وين موقعها من الاعراب؟

الجواب = في رأس فلانة ..!

نعم ..

هذه وحدة يجيبونها في برنامج صدق او لا تصدق

انو في وحدة زارعة غاااااااابة مو شجرة ..في راسها..

ستين ألف وردة في شعرها ..

وبعدين المكياج “دونت ليت مي سبيك آبوت ات” ..!!

انواع اللعب ..

شيء اخضر واحمر وازرق ..و يحصل تلاقين اصفر متخبي ورى ..

والرسمات اللي ع الوجه

معليه ياماما انتي لوحة فنية مثلا؟

خلص الورق  ومالقوا الا وجهك ؟

احترمي نفسك

وجمالك

وانوثتك

والفستان بني ..

ها تخيلتم الغابة ؟؟

طيب ع فكرة انا تقريبا في بداية الجامعة

كنت ألعب لعب مو طبيعي في نفسي

الشادوو المسكين ..

كنت احطه كل يوم ..

ليه ؟ لحد يسألني مدري وش كنت افكر

اذا لابسة اخضر بحط شادو اخضر ولو سمحتوا لازم اللمعة

اذا لابسة ازرق بحط شادو ازرق (مع انه الازرق مات في السبعينات) ..

اذا لابسة ابيض بحط ابيض ..نعم يا اخواني ..

لقد وصلت مرحلة يأسة من القراوة ..

لكن ربي تاب علي ..

وتعلمت درس لن انساه ..

انو عيب في حق نفسي

وفي حق انوثتي وفي حق بشاعتي هههههه

انو ازيدها بشاعة واحط هالألوان البايخة

..

المهم انا اقتنعت انو ما اعرف احط شادو زي الناس

فأيش سويت ..

صرت اروح الـ safe side واعتقد هذا لوكي عموما ..

تقريبا نفس كذا (هذي مو انا) لوول ..وحدة هندية

طبعا مع لعب اكثر ماسكرا شوية اي لاينر ..

انو الميك اب نعوممممي جدا ..

الشادو بيكون ذهبي فااااااااااااتح جدا مجرد اضاءه ..

وشوية ماسكرا وخلاص ..خلي عيوني تطلع زي ماهي ..

ماله داعي أشوه نفسي بقلة الادب هذي..

الميك اب انا اللحين مؤمنة ..

انو مافي مشغل محترم يصلح لك مكياج حلو

و انوثي ..

فالافضل تسوينه انتي من نفسك ..

و انتي اخبر بنفسك وبإيش الطريقة

اللي تظهر جمالك اكثر شي ..

5-الطقاقة ..انا ماادري متى تموت هالظاهرة ..

طقاقة صوتها نشاز ..

وما يبونها يبون الطبلة حقتها مدري وش يسمونها ..

عشان يهزون **** ..

لها الدرجة يعني  ..

وبعدين مع هالنظام ..

والله العظيم المسجل اكرم بمية مرة من هالاصوات النشاز ..!

وهذي ليلة رومنسية ومن احلى الليالي ..

مو ليلة نشاز ..!

المفروض نسمع اصوات حلوة ونحس بالعرس وجماله ..

وليه بس نسمع طق ..

ليه ما نسمع مصري ونرقص مصري ..

ليه ما نسمع لبناني و نرقص دبكة ..

ولا الأغاني ليه ما نختارها بعناية ..!

يعني مثلا تجيك وتغني

خنتني وما ادري ايه

هيييييييييييييه انتي فوقّي(اصحي) ..

احنا بعرس مو جالسين ننوح ونصيح ..!

ألعن ابو المزاج ..

6-ساحة الرقص ..

مترين في مترين ..

ويلا تزاحموا عليها وارقصوا ..

وبعدين قصة الرقص حق الاعراس ذا ما يعجبني ..

طريقة الرقص :

روحي يمين يسار ..ثم ارجعي يسار يمين ..

مع قليل من تحريك المؤخرة ع انغام موسيقى الرعب

وعليكي بتحريك يديكي بإحدى هذه الطرق

1-يمين يسار ..

2- فوق تحت ..

إياكي عزيزتي الراقصة ان تقومي بغير هذه الحركات

فهذا النوع من الرقص لا يوجد فيه ابداع ..

ممكن اضافة إحدى هذه الطرق

وهي اختيارية أي optional

أ- دق رقبة

ب-لوي اليدين اثناء استخدام الطريقة رقم (1) ..

ج-فصخ الجزمة (الله يكرمكم) ..

حتى تهابدين ع ساحة المعركة اووبس اقصد الرقص براحتك ..

للتمرين على هذا النوع من الرقص :-

ادخلي المطبخ وجيبي (تبسي)

او مدري وش تسمونه هذاك اللي

تحطون فوقه الفناجيل والقهوة او العصير وات ايفر..

وامسكيه بيدك وشغلي رابح صقر ..

ومتّري غرفتك روحة وجية

وانتي ماسكة الصحن “التبسي” ..

وحركي يدك

يمين يسار ..يمين يسار مع دق الرقبة

لأن دق الرقبة يحتاج وحدة محترفة ..

فإنتبهي تتحمسين

وتطّقين عرق فيكي

وتصيرين ضحية هالبلوق ..

يعني وشلون اقول لكم ..

احيانا احس ساحة الرقص وقسما بالله تقلب حلبة ثيران ..

ولما تجي اغنية ..

بمعناها رح اطيح راسك واخليك تجي تعتذر  لي

وانا اشوف نفسي عليك من انتا ..والله لأوريك ..!

فجأأأأأأأأأأأأاة

في لمحة بصر اللكل يبي يرقص عليها ..

يعني كلكم شايفين نفسكم ؟؟؟هههههههههه

شوفوا بقول لكم ..

انا انسانة فاشلة في الرقص

اعترف والله ..

وكم مرة طلعت ارقص مرات كثيرة

كنت مغصوبة فيها ..ونادر ما ارقص..

لكن اذا رقصت لازم الفشيلة موجودة ..

ما تدرون وش يصير فيني ..

احاول اتحرك ما اقدر اشوف كل الناس تناظرني ..

احس في شيء غلط ..

ارقص عشانهم ؟؟

وتطق ام الركب ..

واوققققققققققف ..

فجأة كذا اوقف ما ادري خلص الديزل !

وما اعرف حركة يمين يسار يسار يمين ..

اعرف ارقص في مكاني مع قليل من تحريك الرجلين ..

وتخيلوا انا انسانة فاشلة مع اني تعلمت شوية رقص الجاز والهيب هوب

ومن فترة قريبة الرقص اللاتيني ..بس ما حضرت كلاسات كثيرة فيه

بس فاشلة جدااا..

فقررت الاحتفاظ بها الفشيلة لنفسي ..

لكن الحمد الله اعرف مصري <لازم

وهذا اهم شيء وهـ :$

احس رقص فيه انوثة ..

وودي بصراحة اتعلم البريك دانس ..!

مين يعلمني ؟ لوووووووووووووووووووول

والله مستعدة ادفع اي شي بس اتعلم البريك دانس ..

رهيب مرة ..

ويلا نشوفكم بعدين في الجزء الثالث ..

يتبع ..

اكثر شي اعتمد عليه تغيير الشعر وطريقة المكياج ..

للتوضيح :- البلوق سبق ونشرته في أحد المواقع بأحدى عضوياتي..